काठमाडाैँ- रुकुम पश्चिमबाट काठमाडौँ आउँदै गरेको रात्रि बस बागलुङमा दुर्घटना हुँदा कम्तीमा ६ जनाको मृत्यु भएको छ । २५ जनाभन्दा बढी घाइते भएका छन् ।

बागमती प्रदेश ०१-००६ ख ३८७९ नम्बरको बस बागलुङको निसीखोला गाउँपालिका– ६ जाउले पानीमा दुर्घटना हुँदा मृत्यु भएकाहरूको परिचय भने खुलि नसकेको जिल्ला प्रहरी कार्यालय बागलुङले जनाएको छ ।

घाइतेलाई उपचार गर्न प्राथमिक उपचार केन्द्र बुर्तिवाङ पठाइएको छ । अहिले उद्धारको काम चलिरहेको कार्यालयले जनाएको छ । जङ्गल र भिरालो ठाउँमा दुर्घटना भएकाले घाइते र मृतकको सङ्ख्या बढ्न सक्ने पनि प्रहरीले जनाएको छ ।