नुवाकोट- विदुर नगरपालिका वडा नं ५ मा रहेको देवीघाट जालपा क्लवको अध्यक्षमा नविन चित्रकार सर्वसम्मत चयन भएका छन् । शनिवार भएको भेलाले अध्यक्षमा उनलाई सर्वसम्मत चयन गरेको हो ।

सामाजिक कार्यमा सक्रिय चित्रकार क्लवमा निरन्तर आवद्ध रहदै आएका थिए । वि.सं. २०७१ सालमा स्थापना भएको क्लबले स्थापना समयदेखि नै खेलकुद लगाएत सामाजिक कार्यहरु गर्दै आएको छ ।

क्लवको उपाध्यक्षमा राजेन्द्र खतिवडा र बद्रीलाल चित्रकार , सचिवमा सुरेन्द्र चित्रकार, सह सचिवमा प्रमिला श्रेष्ठ चित्रकार, कोषध्यक्षमा विष्णु बहादुर भण्डारी, सह कोषध्यक्षमा सुनिल चित्रकार चयन भएका छन् भने सदस्यहरुमा राजाराम चित्रकार, संगितलाल चित्रकार, सुनिता काफ्ले, रोसन श्रेष्ठ, अरुण चित्रकार, शारदा खड्का (कारञ्जित), बिकाश चित्रकार, राधिका लामिछाने, रेखा तिवारी (कंडेल), योबन वस्ती चयन भएका छन् ।