काठमाडौँ- काठमाडौँको तारकेश्वरबाट प्रहरीले खैरो हेरोइनसहित दुई जनालाई पक्राउ गरेको छ । पक्राउ पर्नेमा नुवाकोटको पञ्चकन्या घर भएका २२ वर्षीय रोशन थापा र ३० वर्षीय राकेश बलामी छन् ।

उनीहरूलाई तारकेश्वर नगरपालिका वडा नम्बर–२ स्थित जरङ्खुबाट पक्राउ गरिएको जिल्ला प्रहरी परिसर काठमाडौँका एसपी नवराज अधिकारीले बताए । आरोपीहरूको साथबाट प्रहरीले ८ दशमलव ५ ग्राम लागुऔषध ब्राउन सुगर बरामद गरेको छ । आरोपीहरूमाथि प्रहरी वृत बालाजुले अनुसन्धान गरिरहेको छ ।