काठमाडौं।

नेपाली कांग्रेस तार्केश्वोर नगरपालिका(४ वडा कार्यसमितिको आयोजनामा घर घर जाऔं कांग्रेस जिताऔं कार्यक्रम नेपाली कांग्रेस वागमति प्रदेश सदस्य तथा विदेश विभाग प्रमुख सविन तामाङ्गको प्रमुख अथितीमा सम्पन्न भएको छ ।

कार्यक्रम लोलाङ्ग जय नेपाल चोक बाट र्याली प्रारम्भ भई पुरानो गुहेश्वोरी मन्दिर परिसरमा पुगेर स्थगित भएको छ।

तार्केश्वोर नगरपालिका -४ वडामा नेपाली कांग्रेसको जरुरत रहेको र आगामी चुनावमा जिताउनका लागि कार्यक्रम आयोजना गरेको बताएका छन् ।

पार्टीमा एकढिक्का भएर अघि बढे आगामी स्थानीय तहको निर्वाचनमा पार्टीलाई कसैले हराउन नसक्ने र पार्टीमा केहि आन्तरिक समस्या सतहमा आएपनि त्यस्त समस्यालाई सुधारेर पार्टीलाई एकढिक्का बनाएर चुनाव केन्द्रीत हुनुपर्ने तार्केश्वोर नगरपालिका(४ वडा कार्यसमितिको उपसभापति जीवन रानाले वताएका छन् ।

नेपाली कांग्रेसले युवा भित्रको निरोगीपन जोश जागर र साहस तथा युवा शक्ति र विचारको सहि मुल्यांकन गरेर आगाडी बढे आगामी चुनावमा जित सुनिश्चित रहेको समेत बताएका छन् ।

वडा वडामा संचालन भईरहेको विकृति विसङ्गति तथा भ्रष्ट आचार विरुद्धमा बोल्ने आवाज नेपाली कांग्रेसको प्रतिनिधित्वको हो भनेर महाधिवेशन प्रतिनिधि सुशील भट्ट ले कार्यक्रममा बताएका छ्न् ।

तार्केश्वोर नगरपालिकामा नेपाली कांग्रेस लाई जिताउन सबै जना एकजुट भएर लागि पर्न जरुरत रहेको र सक्षम सवल तथा निस्वार्थ भावना भएको व्यक्तिलाई आगामी चुनावमा जिताउन लागि पर्न आवश्यक रहेको नेपाली कांग्रेस तार्केश्वोर नगरपालिका युवा नेता तथा महाधिवेशन प्रतिनिधि मनोज रानाले बताएका छ्न् ।