काठमाण्डौँ, चैत्र २४
राष्ट्रिय प्रजातन्त्र पार्टी चन्द्रागिरि नगरपालिका वडा नं १५ कमिटिले आसन्न स्थानिय निर्वाचनको लागि उम्मेदवार चयन गरेको छ । आज (बिहिबार) वडा कमिटिको पार्टी कार्यालय उद्घाटन संगै उम्मेदवार पनि चयन गरेको छ । राप्रपा काठमाण्डौँ जिल्ला अध्यक्ष नवराज सिंखडाले पार्टी कार्यालय उद्घाटन गरेका हुन् ।

आगामी वैशाख ३० गते हुने निर्वाचनको लागि उक्त वडाबाट वडाध्यक्षमा सनातन कार्की चयन भएका छन् । त्यस्तै सदस्यहरुमा दिनेश देउजा र राधिका पौडेल (श्रेष्ठ) चयन भएका छन् भने बाँकि दुई जना छिट्टै चयन गर्ने वडा कमिटिले जनाएको छ ।

आयोजित कार्यक्रममा राप्रपा काठमाण्डौँ जिल्ला अध्यक्ष सिंखडा र क्षेत्र नं ९ प्रदेश ख का अध्यक्ष दिलिप कार्कीले चुनाव प्रचारप्रसारको लागि टिसर्ट वडा कमिटिलाई हस्तान्तरण गरेका छन् । कार्यक्रममा पार्टीका अन्य नेता तथा कार्यकर्ताहरुको सहभागिता रहेको थियो ।