नुवाकोट– दुप्चेश्वर गाउँपालिकाले आयोजना गरेको खुल्ला तीज गीत प्रतियोगिता सम्पन्न भएको छ ।

तीजको अवसरमा शनिवार गाउँपालिकाभित्र रहेका महिलालाई तीजको परम्परा र मौलिक भाकाको विषयमा जानकारी दिने उद्देश्यले सो कार्यक्रम गरिएको गाउँपालिका अध्यक्ष शङ्करबहादुर थापाले जानकारी दिए ।

प्रतियोगितामा सल्ले क्रियाशिल महिला समुह प्रथम, समुन्द्रटार महिला समुह द्वितिय र बच्छलादेवी महिला समुह तृतीय भएका छन्। यसैगरी रुकमणी महिला समुहले सान्त्वना स्थान प्राप्त गरेका छन्।

विजयी समूहलाई बागमती प्रदेशसभाक पूर्व उपसभामुख राधिकारी तामाङले नगद पुरस्कारसहित प्रमाणपत्र प्रदान गरिन् ।