कविता : बाबा

| २०८० माघ २३ गतेमा प्रकाशित

बाबा कसरी बिर्सन सक्छुर मैले ती पुरानो दिनहरु
याद छनी हामिलाइ पढाउन भनि साहुबाट लिएको ऋणहरु ।

सानै थिए बाबा म एकान्तमा बसेर तिमी रुन्थेउ
के भयो भनी सोद्दा आँसु पुछ्दै मुसुक्क हासी केही भाछैन भन्थेउ।

अब साहुकोमा गएर घोडा धस्नु पर्दैन बाबा
हाम्रा पनि दिन आउदैछन कसैको सरणमा बस्नु पर्दैन बाबा ।

बाबा भर्खर त ब्याचलर पढ्दैछु केही गर्न देउ पैले
साहुले लगेको घर जग्गा छिट्टै फिर्ता ल्याउनेछु मैले ।

अझैपनी यता उता काम गर्छु नभन
आमा त रोगी छदैछन बाबा तिमी रोगी नबन ।

हाम्रा त्यि पुराना दुखका दिनलाई सम्झिदै मनमा लिनेछु बाबा
देशमा रोजगार नपाएनी खाडी मुलुक गएर हजुरहरुलाइ सुख दिनेछु बाबा।

प्रतिक्रिया दिनुहोस्